这是一次由中学生发动的社会运动。主要由中学生组成的学民思潮 是最早关注国民教育科问题的团体。昨日游行队伍中，由幼稚园生到大学生都有。学民思潮 召集人黄之锋表示，不少同学以往不曾参与7.1游行，昨日首次上街。他批评政府混淆视听，归咎个别教材内容偏颇，无视国民教育科指引才是问题根源。
记者：彭美芳 何咏诗
黄之锋说，今次游行吸引大批学生上街，「渠哋冇参加7.1游行，但今日就出嚟反对呢科，好多人三年后都毕业，根本唔关渠哋事，但因为怕细佬妹俾人洗脑，先至会出晒嚟游行。」
林郑言论激发港人上街
对于今次他们推动的社会运动演变成全民运动，黄之锋认为，政务司司长林郑月娥把推行国民教育科说是主流民意，是激发更多人上街的原因。他指，撤回国民教育科才是主流民意，政府不应转移视线，把焦点由国民教育科指引，转移至教师压力、《中国模式─国情专题教学手册》内容偏颇等。
昨日大批学生支持游行，由幼稚园到大学生都有。香港大学社会科学系二年级学生陈晓程怒斥︰「出嚟为反对洗脑，社会冇公义冇真正自由，教育成为国家机器，人民唔行出嚟都唔知等几时！」她指国民教育必须有足够空间供学生讨论，「夹硬畀啲咁细慨小朋友接受系好恐怖慨事」。
怀疑政府强推另有目的
中文大学法律系二年级学生黄凯婷认为，盲从国民教育科会荼毒学生，「如果呢个党系无私进步就唔会杀完人唔认数，好怀疑政府强推系另有目的。万一教师冇时间备课，惟有跟指引，变咗荼毒学生」。她建议，若把中史变为必修科，学生会思考如何把中国变得更好。
中二的林同学是跨境学童，在广东住过六年。她指，过去在大陆无法上网看敏感的资料，如六四、王丹这类字眼被阻隔，她和邻居讨论时，发现他们盲目爱国，看不到大陆应改变的地方，更不会重视民主、自由等价值。
林同学认为香港一旦推行国民教育科，会变成跟大陆一样。同班的陈同学补充：「明明香港系言论自由慨地方，家都冇埋！」
中五的袁同学认为：「李旺阳被自杀、六四事件，呢啲系个个中国人都应该知道，唔可以向学生回避呢啲事实！」
《大中小学生有嘢讲》
只教中国好慨
阿翘（小一）如果推行国民教育科，我会唔开心。今日出嚟上街就系要反对国民教育。唔想九月返学要学呢科，呢科净系教中国好慨，唔教唔好慨。做功课同考试慨时候要写中国好先高分，唔好嗰啲就唔提。
唔想似机械人
陈蕙慈（中）（小三）洗脑教育即系令学生做同一样慨嘢，唔可以有自己慨思想，唔想自己好似机械人咁被人控制。爸爸妈妈有教我，我哋今次出嚟游行系为咗我哋将来，同埋唔可以被人控制，希望国民教育唔好好似机械人咁，教埋同一样慨嘢。
教啲嘢唔中立
邓一信（后）（小四）上街就系要反对国民教育，因为呢科冇公开咨询，啲教材冇准备好，教啲嘢唔中立，净系教好嘢都唔好，希望两样都教，例如六四。如果功课要我净系写好慨都惟有照写，但我知道事实唔系咁，我会睇新闻，希望教育局考虑我哋慨意见。
我爱国唔爱党
张同学（小六）国民教育科教我哋要支持共产党，又讲到其他国家好衰，学生批判能力会减弱。我爱国但我唔爱党，例如会支持中国奥运代表队，四川地震都会捐钱，希望中国好。
共产党不可信
萧浩朗（左）（小五）
何泽龙（右）（小五）在同校就读小五的萧浩朗小朋友和何泽龙小朋友，直斥现在的国民教育会降低香港小朋友质素，萧浩朗小朋友说，「好反对国民教育，国民教育好洗脑，如果有国民教育，香港慨核心价值会冇咗」，又说部份教材「猛踩美国」，但美国国内纵有何不足，起码民主法治也较健全；何泽龙小朋友说，「唔系唔信国民教育，但系家慨国民教育系教爱党，共产党啲人又贪钱，又杀学生」，担 心「推行国民教育之后香港都会变成咁」。
唔撤回就罢课
温卓颖（中二）将升中二的观塘官立中学13岁学生温卓颖（ Ken）昨由做厨师的温爸爸，首次带上街游行，「要国民教育做乜啫？咁即系要香港用简体字」。今次上街不只是为了他个人，「因为对我未来，对我下一代同埋再下一代都好重要」。官校一般会被教育局拿作教育政策示范， Ken仔说很担心学校被迫先行，「读官校梗系惊俾政府攞嚟做白老鼠」。他批评吴克俭「一啲都唔掂」，「政府再唔撤回慨话，我就要罢课！」
改编历史唔好
郑同学（中一）渠（中共）将啲历史改编，咁样唔好，只系偏向好慨方面。最好就唔好搞咁多科，学生已经好惨，中一都读紧十几科，唔想再读咁多科，好辛苦！
爱香港唔爱国
张同学（右）（大二）本身在英国读书已近九年的张同学，昨日和朋友一齐声援反洗脑教育科，他指自己特意回港参加7.1游行，为民主发声。他指在英国的国民教育重视历史，政治意味不重，「有Citizenship，类似公民教育，冇乜政治，有学历史，或者果啲好简单应要做乜、唔应该做乜，冇咁洗脑！ 」他认为，政府无视市民反对声音，因政治不中立，张同学坦言：「爱港唔爱国得唔得？可能系97出世，奥运（香港）都自己一队啦！冇必要爱国㗎！」
教法要有批判
叶同学（中三）觉得嗰科好洗脑啰。对于90后嚟讲，好抗拒，唔希望我哋之后慨小朋友被影响。如果学校要做国民教育科，咁要用批判思考慨方法教，例如讲吓中国喺国际形势、表现有乜好坏，唔好只讲好慨一面。
负面嘢轻带过
林永泰（大一）中学参加过广州交流团，当时 有大陆教授主持讲座，全程不断讲规划同发展成果有几劲，负面嘢就轻轻带过。家德育及国民教育科教材偏颇，好明显有灌输爱国爱党精神慨政治目的，应该全面撤回，唔想洗脑名正言顺渗透。
课程只讲好嘢
温同学（大三）国民教育课程一面倒，净系讲好嘢，冇讲人权，豆腐渣工程又冇提，（温州）高铁撞车又冇讲。家西环治港，好明显想由教育入手，令学生觉得共产党冇问题。其实通识教育已经有教中国国情，唔需要额外多一科，所以一定要撤回。
根本系夹硬嚟
梁同学（大四）政府慨做法令到我哋好愤怒，有五成二市民反对国民教育，吴克俭仲强推，话大部份人支持，根本就系夹硬嚟。虽然游行未必有用，但我想话畀下一代听，无论人哋强推乜嘢喺你身上，自己都要有批判思考，要站出来说不！
系为咗下一代
赵同学（中六）共产党家好有问题，个个高官都贪污，人民连饭都冇得食，基本人权都被剥削。今日出来反国民教育，就系为咗下一代，如果将来渠哋好似大陆咁，以为六四军队杀人系理所当然 ，好似冇错咁。
