全智贤由拍拖到结婚，一直保持低调。
全智贤红透半边天，佢由头到脚都俾大家侦察过，终于轮到全智贤老公崔俊赫!两年年前，即系2012年，4月全智贤宣布下嫁金融才子崔俊赫，当时崔俊赫全家都好低调，宣布婚讯记者会，只系得全智贤一个撑场，一张相都冇畀传媒影过，亦曾经有韩国传媒拍到全智贤和崔俊赫拍拖，男方都被打格保护，所以相当神秘，今次香港有媒体飞去韩国，拍到崔俊赫嘅靓仔返工look，同埋运动员look。
当老婆全智贤忙到甩辘赶拍《星星》大结局，老公崔俊赫继续日出而作，日入而息，一大清早七点半着住老西出门口返工，黄昏五点准时返到屋企，之后换衫打篮球，一个人打闷波，半个钟就返归，生活相当正经又规律，咁睇真系一个难得嘅好男人。
崔俊赫真系名乎其实嘅“高富帅”，有成6尺高，外型比金秀贤更成熟稳重，现职美国银行高层，本身因为家底唔错，父亲系知名金融管理公司大股东，所以顺理成章入行做金融，0依家身家都接近3亿港元，老公高大靓仔有型又叠水，所以平时全智贤睇到老公好实，婚姻生活都尽量低调，系可以几低调就几低调。
为咗讨老公和奶奶欢心，全智贤都好识做㗎!唔使拍戏时就会变身新抱仔，陪奶奶打高尔夫球，仲会学煮几味添。大家系《星星》睇到嘅千颂伊系地狱厨神，现实世界只有崔俊赫可以独享美女厨房，咁要衬番“高富帅”老公，全智贤都要入得厨房出得厅堂。
 崔俊赫罕有被媒体拍到生活照曝光 |
 全智贤有个高富帅老公，仲要唔识蒲剩系钟意佢同打波，真系幸福！ |
 当日宣布结婚记者会，都系全智贤单拖出来，老公崔俊赫真系劲低调。 |
 |
 |
