伍允龙一直唔认同钟嘉欣拍拖。
一直没认过同钟嘉欣拍过拖，只系认系好朋友嘅伍允龙，今日喺商台播出嘅录音访问，承认当年同钟嘉欣嘅恋情，佢话："两个人嘅关系系要两个人去决定，所以我咪唔讲咁多嘢啰，关于我自己嘅我一定讲，唔想影响到隔篱嗰个人。而且我觉得人同人之间嘅关系都可以保持一个私隐，因为我哋做艺人嘅，真系乜嘢面都俾晒其他人睇0架喇，喊到鼻涕都流埋，或者笑到棚牙都就嚟甩呀，真系乜嘢样都俾观众见晒，我觉得某程度上可以留番啲私隐，唔使同任何人交代。"
主持人再问伍允龙究竟同钟嘉欣有没拍过拖？伍就称:"我觉得唔需要答啰。同埋大家点谂就点谂。因为我同钟嘉欣系有过关系，依家都系，系朋友关系。咁以往有咩发生过，我觉得保留番得我两个人知就够。"见女方已为人母，伍允龙称:"戥佢关心，始终大家都系朋友，识咗咁多年，佢有喜事，当然戥佢开心，呢个系好正常嘅。"
至于同刘佩玥嘅关系，伍允龙就话："我哋真系好朋友，因为剧集太深入民心，先搞到观众咁留意我哋！"
之不过话晒佢喺娱乐圈做咗10几年嘢，除咗有安志杰呢个好兄弟之外，伍允龙承认当中有开同唔开心："之前有好多报纸杂志不停用奀星嚟形容我，又净系话我系边个边个嘅绯闻男友，嗰阵真系有啲嬲，仲好难受，好彩晶哥(王晶)鼓励我，叫我唔好理其他人，俾心机做个大明星俾佢哋睇！"佢仲话同。
