新闻 > 港台 > 正文

警嫂淌泪自白:警察无法无天 衰过黑社会 祸及妻儿系因果

「黑社会犯咗法都有警察拉,警察犯咗法系冇人拉,无法无天,咁真系衰过黑社会。咁我唔系警察阿嫂,我系黑社会阿嫂,黑社会阿嫂俾人复仇系一个结果,因为正常途径市民觉得冇得申冤。」林太跟任职普通警员的丈夫,育有两个小孩...

「黑社会犯咗法都有警察拉,警察犯咗法系冇人拉,无法无天,咁真系衰过黑社会。咁我唔系警察阿嫂,我系黑社会阿嫂,黑社会阿嫂俾人复仇系一个结果,因为正常途径市民觉得冇得申冤。」林太跟任职普通警员的丈夫,育有两个小孩,九月以来最令她担心的,不是孩子会被欺凌,而是警察的暴行如癌细胞般扩散。即使在警察圈子,黄色属小众,她也不会改变自己求真的性格,「你当初嫁俾警察,或者我先生选择做警察,系想做一个正义的人,唔系咩?点解警察变质,我反而要投诚?」

林太称丈夫非最前线的警员,不认同警察用私刑,有想过辞职。「我知佢唔系深蓝。但运动初期,我系礼貌地请教佢,点解警察唔戴委任证,佢觉得我挑衅佢,自始我好少喺屋企讲嘢,唔知几时先可以畅所欲言。」说着眼眶通红,「价值观都几唔同,我支持成立独立调查委员会,有违反警例嘅警员被停职候查,咁先可以还警察清白。佢反对,其一系认为有人会转做污点证人,冇得被追究;其二认为「偏黄」法官冇可能公正审讯。」丈夫在社交媒体unfriend所有持相反政见的朋友,避看新闻;她则不停留意运动的新闻,一段影片要前后反覆查看,深怕自己偏颇。

「系警察欺凌人在先」

谈起两个孩子小学的情况,她说子女没受欺凌,「我见到嘅系,开学时啲学生只系嗌口号冇冲击,警察去到学校门口,十个围一个学生又有,狮子扑兔咁扑一个学生又有,咁系警察欺凌人在先。你怕自己小朋友被欺凌,所以你要欺凌人在先?呢个乜嘢道理?」林太说不会说服孩子跟自己的一套想法和价值观,「首先屋企已经唔讲时事,另外我都讲唔到边个嘅立场啱,我只能教佢哋,一件事系咪事实,唔系靠边个讲你知,唔好驯服于权威,呢啲就系批判性思考。」

「警队入面都有人觉得,警察唔系做啱晒,呢个系事实,唔系话洗唔洗白。」林太最愤怒的是当权者纵容和包庇警察,直接造成今日「祸必及妻儿」局面。「咩叫无后顾之忧?你哋绑埋家属上枱。林郑任期最多五年十年,但家属身份系一世。」「如果三个月嚟,警察完全冇做错,林郑政府或者之后特首会同警察讲:『我唔会出卖你哋。』咁警察身份就系一个特权,警察家人就系特权家庭,佢哋有好多福利,但都会孭住呢个名,俾所有香港市民厌恶。好似 大陆公安都有权,但市民系怕佢哋,唔系尊敬佢哋。」

警队充斥深蓝「一国一制都无所谓」

她留意到警察圈子中有不少深蓝人士,认为一国一制也没所谓,「佢哋觉得警察系帮社会清瘀血,呢种谂法好容易,相反我嘅矛盾系好大,我住喺警察宿舍都觉得非常之羞耻。」眼见议会不公义,警察滥捕滥告,政府选择性监警,林太认为要勿忘初衷,勇于发声。「你当初嫁俾警察,或者我先生选择做警察,系想做一个正义的人。我咁钟意特权我走去嫁黑社会啦,点解而家系你(警队)变咗质,我要走去投诚?」谈到警队声誉尽丧,她不禁淌泪,「如果消防员要市民俾钱先救火,要送生果医生先肯医你,香港市民系应该伤心。」

8.31太子站事件,令我好愤怒,我同先生讲,你unfriend我啦,我要出啲好激嘅post。」丈夫了解她敢言的性格,没有unfriend,甚至没制止她加入警察家属连线。「佢有话:『不如我哋移民啦。』我话,如果出咗《人权法案》,警察冇得移民㖞。」谈到对警民关系,对运动未来的想法,她觉得年轻人让她仍抱希望。「香港人喺呢个运动带出咗一种身分认同,一个对自由,法治,人权嘅理性主张。我觉得啱就要继续行,唔系觉得情况唔乐观,示威者俾人拉,既然系咁,我撑番政府,唔系咁样买注。如果唔系一啲喺呢个咁唔公义嘅社会嘅人,只会被欺压得更犀利。」

责任编辑: 秦瑞  来源:苹果日报 转载请注明作者、出处並保持完整。

本文网址:https://www.aboluowang.com/2019/0922/1346290.html