港媒爆林志颖完成颜面手术后情况恶化 暂时要插胃喉进食
台湾男星林志颖于上月发生严重车祸，面部及肩膀有多处骨折，需进行重建手术，留喺医院治疗至今已经有1个月，早前佢已完成手部及颜面2阶段手术，目前恢复中，佢自上周开始就已经可以玩电话，仲被发现Online睇粉丝嘅留言同Update，康复进度理想！不过做颜面手术有利都有弊，日前就传来坏消息指佢情况恶化，据知，佢做完颜面手术后暂时系冇办法进食的，讲嘢都唔方便，因为颜面手术将佢整个面部骨骼重塑一次，仲用钛金属做固定，特别系下颌骨嘅位置固定得最多，所以佢冇办法张开个口食饭！当然，肯定唔可以唔食嘢，只不过佢暂时只能用鼻饲的方式食流质食物，即系喺鼻腔内插入软管，将富有营养嘅流质食物从中传送到佢嘅胃入面，咁样就能帮助佢补充营养，唔会捱饿。
至于佢几时可以正常进食呢，就要睇佢之后恢复情况，如果因恢复得唔好，喺过程中好有可能发生错位要重新再整过，因普通人喺整容后都会发生错位，要重新整形，所以佢自然都会发生咁嘅情况，因此佢之后无论做咩事都需要谨慎，否则仲可能会发生下颚错位，真系万事都要小心呀！原本以为林志颖喺进行了面部手术结束后，就可以冇事，估唔到最后都系好辛苦嘅，但系无论如何，能够继续生存已系最好嘅结果。
希望快啲好番啦！
林志颖发生严重车祸后，面部及肩膀有多处骨折。
林志颖早前已完成手部及颜面2阶段手术。
据知林志颖暂时要插胃喉进食。
